വീട്ടമ്മമാര്‍ക്കായി ഒരു നിക്ഷേപ തന്ത്രം. മാസം 500 രൂപ നീക്കിവയ്ക്കൂ, 5 ലക്ഷം സ്വന്തമാക്കാം.

Rajesh EA
23 Dec 2025

വീടുകളില്‍ \'കുടുങ്ങിയ\' ഒരു സാധാരണ വീട്ടമ്മയാണോ നിങ്ങള്‍? എന്നാല്‍ നിങ്ങളുടെ ശക്തി സമ്പാദ്യത്തിലൂടെ കാട്ടിക്കൊടുക്കൂ... മാസം വെറും 500 രൂപ നീക്കിവച്ച് 5 ലക്ഷം രൂപ സമ്പാദിക്കാനുള്ള വഴി.

Indian Stock Market: രാജ്യത്ത് സ്ത്രീ- പുരുഷ സമത്വം വര്‍ധിച്ചുവരുന്ന സമയമാണിത്. സ്ത്രീകള്‍ വീടുകളില്‍ മാത്രം ഒതുങ്ങിക്കൂടാതെ രാജ്യത്തിന്റെ വളര്‍ച്ചയ്ക്കായി പൊതുധാരയിലേയ്ക്ക് കടന്നുവരുന്നു. കേന്ദ്ര സര്‍ക്കാരിന്റെ പുതിയ ലേബര്‍ കോഡ് അടക്കം സ്ത്രീ ജീവനക്കാരുടെ സാധ്യതകള്‍ വര്‍ധിപ്പിക്കുന്നു. എന്നാല്‍ ഇന്നും വീടുകളില്‍ കുടുങ്ങിപ്പോയ ഒരു വലിയ കൂട്ടും വീട്ടമ്മമാരുണ്ട്.

ഇവരുടെ സേവനത്തിന് വിലയിടുക സാധ്യമല്ല. ശമ്പളത്തിനും അപ്പുറം ഒരു കുടുംബത്തെ കെട്ടിപ്പടുക്കുന്ന മഹത്തായ കര്‍മ്മമാണ് ഇവര്‍ ചെയ്യുന്നത്. എന്നാല്‍ ഇവര്‍ക്കും വലിയ മോഹങ്ങളുണ്ടാകും. എന്നാല്‍ ഇവരുടെ ജോലിക്ക് ശമ്പളമില്ലാത്തതുകൊണ്ട് തന്നെ പല മോഹങ്ങളും നടക്കാതെ അവശേഷിക്കുന്നു. എന്നാല്‍ ഇത്തരക്കാരുടെ മോഹങ്ങള്‍ പൂവണിയാനുള്ള ഒരു മാര്‍ഗമാണ് ഇന്നു പറയുന്നത്.

Open A Free Demat Account Online

സാധ്യമാണ് മികച്ച നിക്ഷേപം

ചുള്ളിക്കമ്പുകള്‍ ചേര്‍ന്നാല്‍ അതിന്റെ ബലത്തെ പറ്റി പറയേണ്ട കാര്യമില്ലോ? അതുപോലെ തന്നെയാണ് സമ്പാദ്യവും. നിക്ഷേപിക്കുമ്പോള്‍ ചെറുതെന്ന് തോന്നും. പക്ഷെ അതിന് വലിയ വിലയുണ്ട്. ദീര്‍ഘകാലാടിസ്ഥാനത്തില്‍ നല്ല വരുമാനം നല്‍കാന്‍ ഈ ചെറുനിക്ഷേപങ്ങള്‍ക്കു കഴിയും. മാസം വെറും 500 രൂപ കണ്ടെത്തുകയെന്നു പറയുന്നത് ഏതൊരു വീട്ടമ്മയ്ക്കും സാധ്യമാണ്. എന്നാല്‍ ഈ 500 രൂപ വര്‍ഷങ്ങള്‍ക്കുള്ളില്‍ നിങ്ങള്‍ക്ക് 5 ലക്ഷം രൂപയാക്കാന്‍ കഴിയുമെന്ന് നിങ്ങള്‍ക്ക് അറിയാമോ? ഇല്ലെങ്കില്‍ വായന തുടരൂ...

Open A Free Mutual Fund Account Online

ചെറു നിക്ഷേപത്തിന്റെ ശക്തി

ഇവിടെ ഒരു വീട്ടമ്മ മാസം നീക്കിവയ്‌ക്കേണ്ടത് 500 രൂപയാണ്. നിക്ഷേപതുക വളരെ ചെറുതായതുകൊണ്ടു തന്നെ ബാങ്ക് നിക്ഷേപങ്ങള്‍ ഒട്ടും അനുയോജ്യമല്ല. ഇവിടെയാണ് ഒരു വീട്ടമ്മ ഡീമാറ്റ് അക്കൗണ്ട് തുടങ്ങേണ്ടതിന്റെ ആവശ്യം. പറഞ്ഞുവരുന്നത് ഇന്ത്യന്‍ ഓഹരി വിപണി സാധ്യതകളെ പറ്റി തന്നെ. ഇന്ന് ഇന്ത്യന്‍ ഓഹരി വിപണികളില്‍ നിന്ന് ലക്ഷങ്ങളും, കോടികളും കൊയ്യുന്ന നിരവധി സ്ത്രീകളുണ്ടെന്ന് നിങ്ങള്‍ അറിയേണ്ടതുണ്ട്. ഓഹരി വിപണികളുടെ റിസ്‌ക് കുറയ്ക്കുന്നതിനായി നിങ്ങള്‍ മ്യൂച്വല്‍ഫണ്ടുകള്‍ തെരഞ്ഞെടുക്കുക.

Watch YouTube Channel Video

മ്യൂച്വല്‍ഫണ്ട് എസ്‌ഐപി

ഇവിടെ നിങ്ങളുടെ നിക്ഷേപം മികച്ച രീതിയില്‍ കൈകാര്യം ചെയ്യാനും, വളര്‍ത്താനും കഴിവുറ്റ ഫണ്ട് മാനേജന്‍മാരുണ്ട്. മാസം 500 രൂപ എന്നത് ആര്‍ക്കും എളുപ്പത്തില്‍ ലാഭിക്കാന്‍ കഴിയുന്ന വളരെ ചെറിയ തുകയാണ്. നിങ്ങള്‍ ഒരു മാസം 500 രൂപ വീതം നിക്ഷേപിക്കുമ്പോള്‍ വര്‍ഷത്തില്‍ നിങ്ങളുടെ സമ്പാദ്യം 6,000 രൂപയായിരിക്കും. മ്യൂച്വല്‍ഫണ്ടുകളുടെ കോമ്പൗണ്ടിംഗ് ഫീച്ചര്‍ ഇവിടെ നിങ്ങള്‍ അറിയാതെ നിങ്ങളുടെ സമ്പത്ത് വര്‍ധിപ്പിച്ചുകൊണ്ടിരിക്കും.

500 രൂപ എസ്‌ഐപി 5 ലക്ഷം ആകുന്നതെങ്ങനെ?

ദീര്‍ഘകാല എസ്‌ഐപികള്‍ എന്നും ഇന്ത്യയില്‍ മികച്ച ഫലം നല്‍കിയ ട്രാക്ക് റെക്കോഡുണ്ട്. ഇവിടെ നിങ്ങള്‍ 20 വര്‍ഷത്തെ നിക്ഷേപ കാലാവധി തെരഞ്ഞെടുക്കുന്നുവെന്ന് കരുതുക. ഇവിടെ നിങ്ങള്‍ക്ക് കുറഞ്ഞത് 12% വരുമാനം പ്രതീക്ഷിക്കാം. മാസം 500 രൂപ വീതം 20 വര്‍ഷം നിക്ഷേപിക്കുമ്പോള്‍ നിങ്ങളുടെ മൊത്തം നിക്ഷേപം 1.20 ലക്ഷം രൂപയായിരിക്കും.

ഇനിയാണ് മാജിക്. നിങ്ങളുടെ നിക്ഷേപത്തിന് 12% റിട്ടേണ്‍ കണക്കാക്കുമ്പോള്‍ 20 വര്‍ഷത്തെ പലിശ വരുമാനം 3,79,574 രൂപയായിരിക്കും. ഇനി ഇതിനൊപ്പം നിങ്ങളുടെ നിക്ഷേപ തുക കൂടി ഒന്നു പരിഗണിച്ചു നോക്കൂ. അതായത് 20 വര്‍ഷത്തിനു ശേഷം നിങ്ങളുടെ അക്കൗണ്ടില്‍ മൊത്തം നിക്ഷേപ തുകയും പലിശയും ചേര്‍ത്ത് 4,99,574 രൂപ ഉണ്ടായിരിക്കും.

കുറച്ചു കൂടി വലിയ സമ്പാദ്യം വേണോ?

ഇനി നിങ്ങള്‍ മാസം 500 രൂപയ്ക്ക് പകരം 1000 രൂപ നിക്ഷേപിക്കാന്‍ റെഡിയാണെങ്കില്‍, 12% റിട്ടേണ്‍ കണക്കാക്കുമ്പോള്‍ 15 വര്‍ഷം കൊണ്ട് 5,04,576 രൂപയും, 20 വര്‍ഷം കൊണ്ട് 9,99,148 രൂപയും സമ്പാദിക്കാന്‍ കഴിയും.

ഇനി ശ്രദ്ധിക്കേണ്ട കാര്യങ്ങള്‍ നോക്കാം. മുകളിലെ കണക്കുകള്‍ 12% റിട്ടേണ്‍ അടിസ്ഥാനമാക്കിയാണ. ഒരുപക്ഷെ നിങ്ങള്‍ക്ക് 12% നു മുകളില്‍ റിട്ടേണ്‍ ലഭിക്കാം. അതുപോലെ റിട്ടേണ്‍ കുറയാനും സാധ്യതയുണ്ട്. ഈ റിട്ടേണ്‍ മാറ്റങ്ങള്‍ നിങ്ങളുടെ വരുമാന സാധ്യതകളെയും ബാധിക്കാം. എന്നിരുന്നാലും നിങ്ങളുടെ ചെറു നിക്ഷേപങ്ങളില്‍ നിന്ന് മികച്ച ഒരു സമ്പാദ്യം ഉറപ്പാണ്. നിക്ഷേപത്തിനായി മികച്ച ട്രാക്ക റെക്കോഡുള്ള ഫണ്ടുകള്‍ തെരഞ്ഞെടുക്കാന്‍ പ്രത്യേകം ശ്രമിക്കുക.

വിവരങ്ങൾ സമാഹരിച്ചത് malayalam.economictimes.com ൽ നിന്നും

Article credits goes to malayalam.economictimes.com

Disclaimer അറിയിപ്പ് : മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. ഷെയർ വിലയിൽ മുമ്പ് ഉണ്ടായിട്ടുള്ള ഉയർച്ച ഭാവിയിൽ ഉണ്ടാകണം എന്നില്ല.സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഷെയർ മാർക്കറ്റ് ഇൻ മലയാളവും ലേഖകനും ഉത്തരവാദികളല്ല.